ရှေ့နေများသို့ မှာကြားချက် (အေဗရာဟမ် လင်ကွန်း)

အေဗရာဟမ် လင်ကွန်း
ရှေ့နေများသို့ မှာကြားချက်
၁၈၅၀ ပြည့်နှစ်၊ ဇူလိုင်လ ၁ ရက်ဝန်းကျင်

ကျွန်ုပ်သည် ပြည့်စုံအောင်မြင်လှသော ရှေ့နေတစ်ဦးမဟုတ်ပါ။ ယင်းလုပ်ငန်းနှင့် ပတ်သက်၍ ကျွန်ုပ်အနေဖြင့် မအောင်မြင်မှုများရှိသည့်နည်းတူ အတန်အသင့် အောင်မြင်ခဲ့ မှု များရှိခဲ့ပါသည်။ အများက ရှေ့နေ (lawyer) ဟု ခေါ်တွင်ခြင်းခံနေရသူတစ်ဦးအတွက် အဓိက နည်းဥပဒတစ်ရပ်မှာ လုံ့လ၀ီရိယကြီးမားမှုဖြစ်ပါသည်။ ယနေ့လုပ်လျှင် ပြီးနိုင်သည့် အလုပ်ကို မနက်ဖြန်အထိ ချန်မထားပါနှင့်။ စာရွက်စာတမ်း ပေးပို့မှုတွင် နောက်မကျပါစေ နှင့်၊ လက်ထဲတွင်ရောက်လာသည့် အလုပ်ကို မဖြစ်မနေပြီးအောင်လုပ်ထားပါ။ တရားစွဲဆို ရန်ရှိလျှင် အချက်အလက် ပြည့်စုံနေပါက တရားဝင်ကြေငြာချက်ကို ချက်ချင်းရေးချလိုက် ပါ။ ဥပဒေကိုးကားစရာများ ရှိနေပါက ဥပဒေစာအုပ်များတွင် ရှာကြည့်ပါ။ အားပြုလောက် သည့်အချက်ကို မှတ်သားထားပါ။

ရှေ့နေ ရှေ့ရပ်များ၏ ကျင့်ဝတ်သိက္ခာ

စတုတ္ထမဏ္ဍိုင်ကြီးအထိုက်အလျောက် လွတ်လပ်ခွင့်ရလာသည့်အချိန်တွင် တရားစီရင်ရေးတွင် ပါဝင်ဆောင်ရွက် သောရှေ့နေရှေ့ရပ်တို့၏ အကြောင်းကို မိမိတို့ရှုထောင့်မှ မြင်တွေ့ရသည့်အတိုင်း ရေးသားဖော်ပြလာကြသည်ကို တွေ့မြင် လာရပါသည်။ ရှေ့နေရှေ့ရပ်တို့သည် နိုင်ငံဝန်ထမ်းများမဟုတ်သော်လည်း တရားစီရင်ရေးတွင် တရားမျှတမှန်ကန် မှုပေါ်ပေါက်ရန်အတွက် တရားသူကြီး၊ ဥပဒေအရာရှိတို့ကဲ့သို့သော နိုင်ငံဝန်ထမ်း များနှင့်အတူဆောင်ရွက်ကြသည့် တရား ရုံးအရာရှိများဖြစ်ကြပါသည်။ ထိုသို့တရား ရုံးအရာရှိများအဖြစ် ဆောင်ရွက်ကြသူ များဖြစ်၍ ““ရှေ့နေရှေ့ရပ်များ၏ ကျင့် ၀တ်သိက္ခာများ၊ တာဝန်များ”” ကိုလိုက် နာကျင့်သုံးကြရပါသည်။ ယင်းကျင့်ဝတ် သိက္ခာများ၊ တာဝန်များကို ဖောက်ဖျက် ခဲ့လျှင် သတိပေးခံရခြင်း၊ ရှေ့နေအဖြစ် မှ နှစ်အပိုင်းအခြားဖြင့် ရပ်စဲခံရခြင်း၊ ထုတ်ပယ်ခံရခြင်းတို့အဖြစ် အပြစ်ပေးခံ ရပါသည်။ ယခုအခါရှေ့နေရပ်များ များ ပြားလာသည့် အတွက်ယခင်တရားရုံးချုပ် ရှေ့နေများကောင်စီ အက်ဥပဒေပုဒ်မ- ၁၅(က) အရနည်းဥပဒေဖြင့် ပြဌာန်းခဲ့ သောရှေ့နေရှေ့ရပ်များ၏ ကျင့်ဝတ် သိက္ခာများ၊ တာဝန်များနှင့် အခွင့်အရေး များစာစောင်ကို လေ့လာသင့်ပါသည်။
ရှေ့နေရှေ့ရပ်များ၏ လုပ်ငန်းသည် မွန်မြတ်သော အသတ်မွေးဝမ်းကျောင်း လုပ်ငန်းဖြစ်၍ များစွာသောရှေ့နေကြီး များသည် မိမိတို့၏ မွန်မြတ်သော ရှေ့နေရှေ့ရပ် လုပ်ငန်းတာဝန်များကို ရိုသေလေးစားလျက် စောင့်စည်းလိုက်နာ အပ်သော ကျင့်ဝတ်သိက္ခာများကိုစောင့် စည်းလိုက်နာခဲ့ကြကြောင်း၊ အထက်ပါ စာစောင်တွင် ဖော်ပြခဲ့ပါသည်။ တရားရုံး တွင် လက်တွေ့ဆောင်ရွက်ရာ၌ ရှေ့နေ ရှေ့ရပ်တို့ သတိထားဆောင်ရွက်ရမည့် ကျင့်ဝတ်သိက်္ခာများ၊ တာဝန်များမှ အချို့ ကိုထုတ်နှုတ်တင်ပြလိုပါသည်။